Ƴansanda Sun Cafke Amaryar Da Ta Ƙona Hannayen Ƴaƴan Kishiyarta 2 A Adamawa

Ƴansanda sun cafke Rachel Geoffrey mai shekaru 23 bisa zarginta da laifin ƙona hannun ƴaƴan uwargidanta biyu a jihar Adamawa.

Rachel, na zaune ne a gidajen gwamnatin tarayya da ke Girei, ta yi sanadiyyar jin munanan raunuka a kan Genesis Geoffrey mai shekaru 7 da Ijadai Geoffrey mai shekaru 3. Da ma dai mahaifiyar yaran mai suna Rahila ta rabu da mahaifinsu a baya.

• Kyanda Ta Kashe Yara 19 A Adamawa
• Bullar Annobar Cutar Kyanda Ta Tilasta Rufe Makarantu A Adamawa

Rahotanni sun ce Rachel ta fusata ne bayan da yaran suka cinye abincin mahaifinsu da ta dafa ta ajiye masa. Daga nan ne ta ɗaure hannayen nasu da kyalle kafin ta cinna musu wuta.

Kwamishinan ƴan sanda na jihar Ɗankombo Morris ya shawarci iyaye da su sauke nauyin da ya rataya a wuyansu kana ya kuma ba wa jama’a tabbacin yin bincike sosai kan lamarin.

Abubakar Sulaiman

Website |  + postsBio

• Abubakar Sulaiman

  Jam’iyyar APC Ta Tafka Asarar Mabiya A Gombe, Sun Bi Pantami PDP
• Abubakar Sulaiman

  Gwamnatin Tarayya Ta Gargaɗi Masu Ɓoye Gas Ɗin Girki
• Abubakar Sulaiman

  Kotu Ta Bayar Da Umarnin Tsare Sowore A Gidan Yarin Kuje
• Abubakar Sulaiman

  Yanzu-Yanzu: An Kashe Manoma 18 Da Raunata Wasu A Wani Sabon Hari A Filato