2027: Babu Wani Ɗan Takara Da Zai Haƙurar Ma Wani Takararsa A ADC – Atiku

Tsohon Mataimakin Shugaban Ƙasa, Atiku Abubakar ya bayyana cewa babu wani ɗan takarar shugaban ƙasa na 2027 a jam’iyyar ADC da zai hakurar ma wani da takarar sa, duk ‘yan takara, za a ba su ‘yancin yin takara.

Atiku, a cikin wata sanarwa da mai taimaka masa kan harkokin watsa labarai, Paul Ibe, ya fitar a ranar Talata, ya yi kira ga ‘yan Nijeriya da su yi watsi da farfagandar da Jam’iyyar APC ke yi na sanya rauni a zukatan ‘yan jam’iyyar.

Atiku, ya yi tsokaci ne a daidai lokacin da ake rade-radin cewa yana fuskantar matsin lamba kan ya hakura da takararsa ya bar wa ɗan takara daga Kudu a matsayin wanda zai ja ragamar jam’iyyar ADC a zaɓen da ke tafe domin kayar da Shugaba Bola Tinubu.

Atiku ya ƙara da cewa, idan akwai wanda ya kamata ya sauka, to Shugaba Bola Tinubu ne, wanda shugabancinsa ya zama babban kalubale ga Nijeriya.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu