Gwamnan Jihar Zamfara, Dauda Lawal, ya buƙaci Ministan Abuja, Nyesom Wike, da ya koma jam’iyyar APC idan yana son goyon bayan Shugaba Bola Tinubu a zaɓen 2027.
Lawal ya ce Wike ba zai iya goyon bayan Tinubu a matsayin ɗan takarar shugaban ƙasa ba, sannan a lokaci guda yana goyon bayan wasu jam’iyyun siyasa a zaɓen gwamna da na ‘yan majalisa ba.
Da yake magana da gidan talabijin na Channels, Lawal ya ce ya kamata Wike ya bayyana a fili inda yake a siyasance kafin zaɓen 2027.
Ya ce, “Ba za ka kasanc a ɓangarori biyu ba. Idan kana cikin APC, ka fito fili ka goyi bayan APC.”
Wike ya ce zai goyi bayan Tinubu a zaɓen shugaban ƙasa, amma jam’iyyar PDP da sauran jam’iyyu su kasance da ’yancin tsayar da ’yan takara a sauran zaɓuka.
Lawal ya ce zai tattauna batun matsayin Wike da Tinubu, yana mai cewa ya kamata ministan ya bayyana matsayinsa a siyasance.
Ya kuma mayar da martani kan sukar da Wike ya yi wa wasu gwamnonin APC da cewa “malalata ne”, yana mai cewa a je Zamfara domin ganin ayyukan gwamnatinsa.
