Dan wasan gaban Real Madrid, Kylian Mbappe, ya sake zama gwarzon dan wasan Shekara na Real Madrid na wannan kakar wasa ta bana, hakan ya tabbatar da matsayinsa a matsayin fitaccen dan wasa a Santiago Bernabeu, wannan ne karo na biyu a jere da kyaftin din na tawagar kasar Faransa ya lashe wannan kyautar.
Duk da cewa Real Madrid bata lashe kowane irin kofi ba a kakar wasa ta bana, amma kuma Mbappe ya jefa kwallaye da dama a bana inda har ta kai ga ya lashe kyautar wanda yafi zura kwallaye a gasar Laliga ta bana, dan wasan mai shekaru 25 ya zura kwallaye 42 a wasanni 44 kacal a da ya bugawa Los Blancos din.
Bayan jefa kwallaye 25 a gasar Laliga, hakazalika Mbappe ne a matsayi na daya wajen jefa kwallaye a gasar Zakarun Turai inda ya jefa kwallaye 15, Bayern Munich ce ta fitar da Real Madrid a zagayen na kusa da na karshe na gasar, Mbappe ya riga ya zama babban abin da Madrid ke mayar da hankali a kai, ana hasashen ya kasance cikin yan wasan da sabon kocin kungiyar Jose Mourinho zai yi amfani dasu.
Discussion about this post