Mai magana da yawun ma’aikatar harkokin wajen kasar Sin Mao Ning, ta ce isar ‘yar sama jannati ta farko daga yankin HK na Sin, cikin tashar samaniya ta kasar Sin wato Tiangong, bayan nasarar harba kumbon Shenzhou-23 mai dauke da ‘yan sama jannati, ta shaida nasarar da aka cimma, ta wanzuwar salon kasa daya tsarin mulki biyu.
Mao Ning ta bayyana hakan ne a yau Laraba.Rahotanni daga kafofin watsa labarai sun nuna cewa, Li Jiaying, wadda ake kira da Lai Ka-ying a harshen Cantonese, ‘yar asalin yankin HK ce na kasar Sin, ta kuma kafa tarihin kasancewa memba a tawaga ta hudu, ta ‘yan sama jannatin Sin da suka shiga da’irar da tashar samaniya ta Sin ke ciki.
Kazalika, ita ce mace ta farko a tarihi, da ke da kwarewar sarrafa na’urori da gwaje-gwajen kimiyya daga yankunan musamman na HK da Macao, da ta shiga shirin sama jannati na kasar Sin. (Saminu Alhassan)
