Hazikin dan wasan tawagar Nijeriya da ke buga gasar cin kofin kasashen Afirika da ke gudana a kasar Cote de’Voire, Victor Osimhen ka iya rasa buga wasan da Nijeriya zata buga da kasar Afirika Ta Kudu a ranar Laraba.
Zuwa yanzu dai, Osimhen bai samu damar tafiya tare da sauran yan wasan tawagar ba zuwa garin Bouake inda za a buga wasan, yayin da ya cigaba da zama a Abidjan tare da likitoci inda suke cigaba da duba lafiyarsa.
Osimhen yana daga cikin manyan ‘yan wasan tawagar Nijeriya da ke taka rawar gani a gasar ta AFCON, inda masu sha’awar kallon kwallon kafa ke ganin rashinsa a wasan da Super Eagles zasu kara da Bafana-bafana ta kasar South Africa babban koma baya ne ga Nijeriya.
ADVERTISEMENT
