Tawagar ƙwallon ƙafa ta Afirka Ta Kudu ta kafa wani tarihi mara daɗi a gasar Kofin Duniya bayan wasan farko da ta buga da Mexico a ranar Alhamis.
A wasan, an bai wa ‘yan wasan Afirka Ta Kudu biyu jan kati, wanda ya sa aka kore su daga filin wasa.
Hakan ya sa Afirka Ta Kudu ta zama ƙasa ta farko cikin shekaru 20 da aka kori ‘yan wasa biyu daga cikinta a wasa guda na Kofin Duniya.
Shafin ƙididdigar ƙwallon ƙafa na OptaJoe ya bayyana cewa karo na ƙarshe da aka kori ‘yan wasa biyu a wasa guda a Kofin Duniya shi ne a shekarar 2006, lokacin da Portugal da Netherlands suka fafata a zagayen ‘yan 16 a Jamus.
Wannan wasa, wanda aka yi wa laƙabi da “Yaƙin Nuremberg”, ya kasance mai cike da rikici, inda aka kori ‘yan wasa biyu daga kowace tawaga.
Da wannan sakamako, Afirka Ta Kudu ta zama ƙasa ta uku bayan Portugal da Netherlands da aka taɓa korar ‘yan wasansu biyu a wasa guda a tarihin gasar Kofin Duniya.
Wannan ya sanya sunanta cikin wani tarihi da ba zai yi wa magoya bayanta daɗi ba a babbar gasar ƙwallon ƙafa ta duniya.
Discussion about this post