Aisha Buhari: “Ko A Sako Dalibin Da Aka Kama Ko Mu Fara Zanga-Zanga” – Kungiyar Daliban Nijeriya

Kungiyar dalibai ta kasa (NANS) ta bayar da wa’adin kwanaki biyu ga babban sufeton ‘yansanda, Usman Alkali Baba da uwargidan shugaban kasa, Aisha Buhari da a saki Aminullah Adamu na jami’ar tarayya dake Dutse ko kuma su fuskanci wata gagarumar zanga-zangar dalibai a fadin kasar nan.

Ma’ajin kungiyar na yankin arewa maso yamma, comrade Bashir Suleiman Limanci ne ya sanar da hakan yayin wani taron manema labarai da kungiyar ta shirya a Dutse babban birnin jihar Jigawa.

• Aisha Buhari Ta Shiga Sulhu Kan Rikicin Da Ya Dabaibaye Jam’iyyar APC A Adamawa

Ya ce kungiyar ba ta goyon bayan abinda Aminullahi Adamu ya rubura a kafar sada zumunta wanda hakan ya fusata uwargidan shugaban kasar.

Sai dai Limanci ya bayyana cewa kungiyar ta yi Allah wadai da kama Aminullah da tsare shi da kuma duka ba bisa ka’ida ba bisa umarnin uwargidan shugaban kasa.

Kungiyar ta ce Aminullah wanda dalibi ne na matakin aji biyar a shekarar karshe a jami’ar ya kusa fara rubuta jarabawar karshe nan da kwanaki biyar masu zuwa.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”