Aisha Buhari: Kungiyar Daliban Nijeriya Za Ta Gudanar Da Zanga-Zanga Kan Cafke Aminu

Kungiyar dalibai ta kasa (NANS) ta yi Allah-wadai da tsare Aminu Adamu bisa zargin rubutun cin zarafi da yayi kan uwargidan shugaban kasa, Aisha Buhari a shafin sada zumunta a manhajar Twitter.

Shugaban NANS, Usman Barambu, a wata sanarwa a ranar Alhamis da ya fitar, ya bukaci a sako dalibin jami’ar tarayya dake Dutse, jihar Jigawa ba tare da wani bata lokaci ba.

• Aisha Buhari: Matar Tsohon Shugaban Kasa Jonathan, Bata Tsare Masu Yi Mata Izgili Ba

Ya kuma sanar da shirin gudanar da zanga-zanga a fadin kasar a ranar Litinin, 5 ga Disamba, 2022 don matsa lamba ga hukumomin da abin ya shafa a sako Dalibin, Aminu.

Sanarwar ta ci gaba da cewa, “Bayan yin iya kokarin mu kan kokarin ganin an sako mambanmu wanda aka tsare ta hanyar da ta dace ba, da azabtarwa, cin zarafi da kuma tsare shi daga jami’an gwamnati.

“Muna sanar da ku matakin da shugabannin kungiyar dalibai ta kasa ta dauka na gudanar da zanga-zanga a fadin kasar baki daya,” in ji shugaban NANS a wata sanarwa da ya aikewa sassan kungiyar.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar