Yau Jumma’a, ma’aikatar kare muhalli ta kasar Sin ta fitar da “Rahoton yanayin muhalli na kasar Sin na 2025,” wanda ya nuna cewa an samu ci gaban ingancin muhalli a kasar Sin a shekarar 2025.
A cewar rahoton, a shekarar 2025, adadin ruwa mai inganci dake saman kasa a duk fadin kasar ya kai kashi 91.4%, wanda ya ci gaba da kasancewa sama da kashi 90% tsawon shekaru biyu a jere.
Yawan gurbataccen ruwan da aka tsaftace a yankunan karkara ya kai kashi 55%, yawan dazuzzuka na kasar ya kai kashi 25.09%, kuma yawan ciyayi na kasar ya wuce kashi 56%. Duk wadannan alkaluma sun karu idan aka kwatanta da na shekarar 2024.(Safiyah Ma)
ADVERTISEMENT
