Da karfe 8 da minti 14 na safiyar yau Litinin ne kasar Sin ta yi nasarar harba kumbon dankon kaya na Tianzhou-10 daga cibiyar harba kumbuna ta Wenchang, inda aka yi amfani da rokar Long March-7 Y11 wajen gudanar da aikin.
Bayan kusan mintuna 10, kumbon Tianzhou-10 ya rabu da rokar Long March-7 cikin nasara, kuma ya shiga da’irar da aka tsara, sannan fikafikan sarrafa hasken rana na kumbon sun bude yadda ya kamata, kuma an cimma cikakkiyar nasarar harba kumbon.
An ba da labari cewa, da misalin karfe 1 da minti 11 na tsakar ranar yau Litinin, agogon Beijing, an ci nasarar hada kumbo Tianzhou-10 da bangare mai muhimmanci dake bayan tashar Tianhe ta Sin wadda ke shawagi a sararin samaniya.
Tianzhou-10 yana dauke da rigar na’ura ta dan sama janati guda daya, da kayan masarufi na ‘yan sama jannati, da sinadarin ingiza kumbo, da kayan aikin gwaje-gwaje da sauran kayayyaki. (Amina Xu)
