Kwamitin tsakiya na 20 na Jam’iyyar Kwaminis ta kasar Sin (JKS) ya gudanar da cikakken zamansa na biyar, daga ranar Litinin zuwa ranar Alhamis din nan a birnin Beijing, inda ya amince da wani kuduri kan ci gaba da bin cikakken tsarin shugabancin kai na jam’iyyar ka’in-da-na’in.
Ofishin siyasa na kwamitin tsakiya na JKS ne ya jagoranci taron. Inda shugaba Xi Jinping, babban sakataren kwamitin tsakiya na JKS, ya gabatar da jawabi mai muhimmanci, kamar yadda wata sanarwar bayan taro da aka fitar ta bayyana.
Kwamitin tsakiyar na JKS ya bayyana gamsuwa matuka game da manyan nasarorin da jam’iyyar ta samu wajen bin cikakken tsarin shugabancin kai ka’in-da-na’in a sabon zamani.
A yayin taron, an bayyana muhimman ka’idojin da za su jagoranci ci gaba da bin cikakken tsarin shugabancin kai wadanda su ne kamar haka: bayar da fifiko ga manufofi da ayyukan jam’iyya, daukar sha’anin karfafa jam’iyyar ta fuskar siyasa a matsayin babban ginshiki, aiwatar da bin tsarin shugabanci ka’in-da-na’in a dukkan matakai, amincewa da amfani da dabarar magance matsaloli, riko da muhimman ka’idoji tare da samar da sabbin hanyoyin ci gaba, bin tsarin tafiyarwa tun daga sama har kasa, da gudanar da harkokin jam’iyya bisa tanade-tanaden dokoki da ka’idoji.
Sanarwar ta kuma bayyana cewa, a yayin taron, kwamitin tsakiya na JKS ya yanke shawarar cewa, jam’iyyar za ta gudanar da babban taronta na kasa karo na 21 a birnin Beijing, a rabin karshe na shekarar 2027. (Abdulrazaq Yahuza Jere)
