An rufe gasar wasannin motsa jiki ta mutum-mutumin inji mai siffar dan adam karo na 2 a jiya Laraba 26 ga watan Agustan nan. A yayin wannan gasa ta kwanaki 5, mutum-mutumin inji masu siffar dan adam sama da 2,000 cikin nau’o’i 100 sun fafata tare, hakan an rubuta bayanan aiki na dubban sa’o’i da kuma kama motsin mutum-mutumin injin sama da dubu 10. Mutum-mutumin inji masu siffar dan adam sun yi tseren mita 100 cikin dakika 10, da tsallen mita 3.4.
Ban da wannan kuma, sun shiga masana’antu don daukar kaya da sauke su, da gyara dakunan otel, har da yin sayayya a manyan kantuna, da magance matsalolin gaggawa a wuraren aiki, inda su karya matsayin bajimta masu yawa a gasar.
Wani jami’in kwamitin shirya gasar wasannin ya bayyana cewa, kowace lambar yabo da aka bayar tana nuna cewa, mutum-mutumin injin sun kara hazaka zuwa “amfani na yau da kullum na zahiri”. Gwaji ta hanyar aikin yau da kullum, da kuma biyan bukatun masu amfani da su, shi ne ainihin dalilin da ya sa aka shirya gasar. Ayyukan da mutum-mutumin injin suka yi a kowace gasa sun wuce tsammanin mutane da yawa.
A yayin rufe gasar, an fitar da tarin bayanan gasar wasannin motsa jiki karo na farko a duniya. Wadannan bayanai sun hada da bayanan aiki na yau da kullum, da cibiyoyi da yawa suka tattara yayin horo da gasa, wanda jimillar sa’o’insu suka wuce 2,500, kuma zai iya taimakawa wajen aiwatar da horo, da bincike kan mutum-mutumin inji masu basira kai tsaye, da kuma bayar da tallafin ingantattun bayanai ga cibiyoyin bincike, da jami’o’i da yawa, don horar da gwaji a bangaren tsarin aiki ko “algorithms”, da tabbatar da bayanai cikin tsarin thinkPHP. (Amina Xu)
