An Rushe Wani Wurin Shakatawa Da Ya Karya Dokar Lokaci A Abuja

Hukumar babban birnin tarayya Abuja, FCTA a ranar Litinin, ta rusa wani gidan shakatawa (Spotlight Garden Events and Recreation) a gundumar Wuye da ke Abuja bisa zargin keta dokar lokacin rufe wuraren shakatawa da lambuna.

Mai kula da tsare-tsare na hukumar kula da harkokin babban birnin tarayya Abuja (AMMC), Mista Umar Shuaibu, wanda ya jagoranci tawagar rusau din, ya shaida wa manema labarai cewa babu gudu babu ja da baya kan aiwatar da dokar rufe wuraren shakatawa da lambuna daga karfe 7 na dare a Abuja.

• Hadarin Mota Ya Ci Rayukan Mutum Tara, 10 Sun Jikkata A Titin Abuja

Shu’aibu ya ce, za a gurfanar da wanda ke kula da lambun a gaban kotu bisa saba ka’ida, wacce ta yi sanadin mutuwar wani wanda baiji bai gani ba.

“A makon da ya gabata a wani wurin shakatawa da ake kira Spotlight Garden Events and Recreation a gundumar Wuye, mahukunta lambun sun karya ka’idar rufe lambun da aka gindaya kar a wuce karfe 7 na dare.

“Wannan ya ja hankalin ‘yan bindigar da ke dauke da makamai, inda suka bindige wani babban jami’in tsaro. Da ba su keta doka ba, da an kauce wa kisan,” inji shi.

Kwanan nan ne mahukunta babban birnin tarayya Abuja suka haramtawa wuraren shakatawa da Lambuna gudanarwa sama da karfe 7 na yamma kamar yadda aka tanada a cikin Dokokin shakatawa na 2005.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu