Yau ranar 9 ga wata, an yanke hukunci ga Jimmy Lai, dan bore na yankin Hong Kong da kamfanin Apple Daily da sauran kamfanoni biyu bisa laifin karya dokar tsaron yankin Hong Kong na kasar Sin.
Babbar kotun yankin Hong Kong ta sanar a yau cewa, an yanke wa Jimmy Lai hukuncin daurin shekaru 20 bisa laifuka biyu dangane da gama kai da wasu daga ketare da kuma laifin buga jaridun tayar da bore.
Kantoman yankin Hong Kong Lee Ka Chiu ya bayyana cewa, Jimmy Lai ya dade yana amfani da jaridar Apple Daily wajen azabatar da mazauna yankin Hong Kong, da hura wutar gaba da juna, da murguda hakikanin batu, da haddasa kiyayya a tsakanin jama’a，da kuma kambama nuna karfin tuwo.
Lee ya kara da cewa, Lai ya bukaci wasu daga ketare da su sanya wa kasar Sin da yankin Hong Kong takunkumi. Gaskiya abubuwan da ya aikata sun lalata muradun kasar Sin da yankin Hong Kong da ma jama’ar yankin sosai. Tabbas, wannan maciyin amanar kasa ya girbi abin da ya shuka. (Kande Gao)
