An gudanar da taron musayar al’adu da cudanyar al’umma na murnar cika shekaru 80 da samun nasarar yakin turjiya na jama’ar kasar Sin a kan zaluncin kasar Japan da kuma kazamin yakin ceton kasa na tsohuwar tarayyar Soviet, wanda babban rukunin gidajen rediyo da talabijin na kasar Sin (CMG) da kamfanin gidajen talabijin da rediyo na kasar Rasha suka shirya a birnin Moscow.
An karanta wasikun taya murna daga shugaban kasar Sin Xi Jinping da na Rasha Vladimir Putin a wajen taron.
A jawabinsa, babban darektan CMG, Shen Haixiong, ya bayyana cewa, yayin da bikin shekarar al’adun Sin da Rasha ya kankama, bari mu dauki ruhin sakon wasiku na taya murna a matsayin jagora, karkashin jagorancin shugabannin kasashen biyu. Kuma bisa daukar tarihi a matsayin madubi, da wayewa a matsayin jirgin ruwa, za a bude wani sabon salo na dorewar mabambantan sassa a kokarin magance yanayin da ake ciki na mamayar bangare guda. Kana bari musayar al’adu da ilimi a tsakanin Sin da Rasha ta samu cikakken kuzari. Bugu da kari, bari zumuncin da ke tsakanin al’ummomin kasashen biyu ya samu bunkasa da kuma dorewa. (Abdulrazaq Yahuza Jere)
