Barcelona ta fara rashin nasara a gasar cin kofin zakarun Turai, bayan da ta sha kashi a hannun AS Monaco da ci 2-1 ranar Alhamis,tun a minti 10 na farko aka baiwa dan wasan baya Eric Garcia katin kora.
Wasan shine rashin nasara na farko ga Barcelona a wannan sabuwar kaka wadda ta lashe wasanni biyar na farko a gasar La Liga karkashin sabon koci Hansi Flick,Akliouche ne ya fara zura kwallo a ragar Barcelona kafin matashin dan wasa Lamine ya ramawa Barca a minti na 28.
- Yaushe Tauraruwar Mbappe Za Ta Fara Haskawa A Madrid?
- Barcelona Ta Yi Wa Valladolid Zazzaga Da Kwallaye 7 A Raga
Hakan ya sa Yamal ya zama dan wasa na biyu mafi karancin shekaru da ya zura kwallo a tarihin gasar zakarun Turai inda yake da shekaru 17 da kwanaki 68, kwana 28 kacal ya girmi abokin wasansa Ansu Fati lokacin da ya ci Inter Milan a watan Disamba 2019.
A minti na 71 Geroge Ilanikhena ya zurawa Monaco kwallonta ta biyu a wasan wadda kuma tayi sanadiyar komawar kungiyar matsayi na 13 a sabon jadawalin gasar zakarun Turai da aka fara a bana.
