Lionel Messi ya jagoranci tawagar Argentina wajen doke kasar Egypt a wasan zagayen yan 16 da suka buga a filin wasa na Mercedes Benz dake Atlanta na kasar Amurka, Egypt ta shiga gaba a wasan bayan minti 15 kacal bayan Yasser Ibrahim ya jefa kwallonsa ta farko ga Egypt a gasar kofin Duniya, bayan dawowa daga hutun rabin lokaci ne Mustapha Zico ya jefawa Egypt kwallonta ta biyu a wasan.
Amma a minti na 79 labarin ya canza bayan Christian Romero ya jefa kwallo a ragar Egypt, minti 4 tsakani Kuma Messi ya jefa kwallonsa ta farko a wasan kuma ta 8 a gasar kofin Duniya ta bana inda wasan ya koma danye shataf, dab da tafiya hutun rabin lokaci Lautaro Martinez ya samu wata kwallo shi kadai kafin yayi amfani da damarshi wajen cillawa Enzo Fernandez ita ta sama wadda kuma Enzon ya ci.
Duk da cewar Messi ya barar da bugun daga kai sai mai tsaron raga, amma kuma ya taka rawar gani sosai a wasan, shine ya bayar da kwallon farko da Romero yaci kafin ya zura tashi a minti na 83, yanzu Argentina zata jira sai bayan an kammala Wasa tsakanin kasashen Switzerland da Colombia kafin sanin abokan wasansu a karawa ta gaba.
