Ƙungiyar ƙwallon ƙafa ta Arsenal na dab da lashe kofin Premier League karo na farko cikin shekaru 22 bayan nasarar da ta samu a kan Burnley ranar Litinin.
Ƙwallon da Kai Havertz ya jefa a minti na 37 ita ce ta bai wa Arsenal nasarar wasan, yayin da ƙungiyar da Mikel Arteta ke jagoranta ke ci gaba da matsawa kusa da lashe kofin bana.
Yanzu haka Arsenal za ta jira sakamakon wasannin Manchester City, wadda ke matsayi na biyu, domin ganin ko za ta yi tuntuɓe ta rasa maki kafin Arsenal ta tabbatar da zama zakarar gasar.
Arsenal ta lashe gasar Premier League ne a shekarar 2004 lokacin da Arsène Wenger ya jagoranci ƙungiyar wajen lashe gasar ba tare da rashin nasara ko guda ɗaya ba. Zuwa yanzu Arsenal ta tara maki 82 daga wasanni 37, inda ta ci ƙwallaye 69 aka kuma zura mata 26.
