Rahotanni sun tabbatar da cewar Arsenal ta amince da yarjejeniyar fam miliyan 51 tare da Aston Villa domin sayen dan wasan bayan tawagar Ingila Ezri Konsa. Arsenal na neman karfafa ɓangaren tsaronta bayan raunin da William Saliba da Jurrien Timber suka samu, inda dukkansu za su shafe tsawon lokaci ba tare da sun murmure daga jinyar raunukan ba.
Tunda farko Arsenal ta bayyana Konsa a matsayin dan wasan baya daya tilo da take fatan dauka gabanin fara kakar wasanni ta bana, inda a wancan lokacin Aston Villa ta bayyana cewar ba za ta sallama dan wasan mai shekaru 28 a kasa da fam miliyan 60 ba, duk da haka, Arsenal ba ta yi kasa a gwiwa ba wajen cigaba da nema kafin daga bisani kungiyoyin biyu su cimma matsaya akan fam miliyan 51.
Konsa yana da sauran shekaru 2 a kwantiraginsa tare da Aston Villa, yiwuwar tashinsa ya janyo kocin Villa Unai Emery ya cire sunanshi daga jerin yan wasan da suka buga wasan karshe na kofin UEFA Super Cup a Makon Jiya, ana sa ran dan wasan na Ingila zai kammala komawa arewacin London da taka leda a Mako mai zuwa idan an kammala gwajin lafiyarsa.
