Takardar tsaro ta farko da aka fitar bayan firaministar Japan Takaichi Sanae ta kama aiki, ta jawo suka daga al’ummomin duniya, inda ka’idar da ake kira “yaki ya haifar da arziki” da karfin nuna babakere na Japan ya kirkiro, ta haddasa tashe tashen hankulan jama’ar duniya.
Sakamakon wani binciken da kafar CGTN ta babban rukunin gidajen rediyo da talabijin na Sin wato CMG ta fitar a tsakanin masu amfani da yanar gizo a duk fadin duniya ya nuna cewa, kashi 83.6% na masu bayyana ra’ayoyi sun yi imanin cewa sabon ra’ayin nuna karfin soja na Japan yana hanzarta fadada sojoji, kuma ya kamata al’ummar duniya su yi taka tsantsan game da hakan.
Sabuwar takardar tsaron ta yi amfani da kalamai masu yawa don jaddada muhimmiyar rawar da habaka masana’antar tsaron kasa ke takawa wajen inganta karfin yin gasa a duniya da kuma habaka ci gaban tattalin arziki, wadda ta kai ga kirkiro ka’idar “yaki ya haifar da arziki”.
Game da hakan, kashi 72% na masu bayyana ra’ayoyin suna ganin wannan ikirarin ba shi da ma’ana kuma ba za su iya amincewa da shi ba.An fitar da wannan binciken ne a dandamalin CGTN guda biyar na harsunan Ingilishi da Sifaniyanci da Faransanci da Larabci da Rashanci.(Safiyah Ma)
