Buhari Zai Kaddamar Da Wutar Lantarki Mai Amfani Da Gas Da Jajen Gobarar Kasuwar Borno

A yau Alhamis ne shugaban kasa Muhammadu Buhari zai ziyarci Maiduguri, babban birnin jihar Borno domin kaddamar da sabuwar tashar samar da wutar lantarki mai amfani da iskar gas ta Maiduguri mai karfin megawat 50.

Tashar lantarkin wacce kamfanin man fetur na kasa (NNPCL) ya gina, za ta samar da wutar lantarki megawatt 50 ga birnin Maiduguri da kewayen garin.

• Zulum Ya Kafa Kwamitin Bincike Game Da Gobarar Kasuwar Maiduguri

Babban birnin jihar ya fuskanci kalubalen rashin wutar lantarki irin wacce ba a taba ganin irinta ba a yankin sakamakon lalata tasoshin samar da wutar lantarkin da ‘yan ta’addar Boko Haram suka yi, sama da shekara daya.

Daga bisani kuma, shugaban a yayin ziyarar zai gana da jajantawa wadanda bala’in gobarar Kasuwar Monday ta Maiduguri ta shafa.

A ranar Lahadin da ta gabata ne wata gobara ta tashi a kasuwar Monday a Maiduguri, inda ta kone kasuwar baki daya. Gobarar ta lalata shaguna da kayayyaki na biliyoyin Naira.

Haka kuma zai kaddamar da wasu ayyuka da gwamnan jihar Borno, Farfesa Babagana Umara Zulum ya yi, kamar titin unguwar Bolori Layout, titin Ahmadu Bello Way, da dai sauransu yayin ziyarar.

Sulaiman

+ postsBio

• Sulaiman

  Sin Za Ta Ci Gaba Da Kare Ikon Mulkin Yankuna Da Hakkoki Da Moriyarta Ta Teku
• Sulaiman

  Xi Jinping Ya Mika Sakon Murnar Cika Shekaru 61 Da Samun ‘Yancin Kai Ga Shugaban Maldives
• Sulaiman

  Sin Ta Ayyana Shirin Ko-ta-kwana Na Samar Da Tallafin Gaggawa Ga Lardin Guangdong
• Sulaiman

  Fina-finan Kasar Sin Suna Haskakawa Tare Da Samar Da Dimbin Kudaden Shiga A Zangon Nuna Fina-finai Na Lokacin Zafi Na Bana