Babban rukunin gidan radiyo da talabijin na kasar Sin (CMG) ya gudanar da wani bikin waka domin sada zumunci tsakanin al’ummar babban yanki da yankin Taiwan na kasar Sin na shekarar 2026 a wannan kyakkyawan yanayi mai dadi na lokacin kaka a gefen tafkin Yanqi na Beijing.
’Yan uwa sama da 400 daga bangarorin biyu na mashigar ruwa ta Taiwan sun halarci wannan gaggarumin biki, domin murnar haduwa da zumunta tsakaninsu.
An gudanar da bikin bisa jigon bikin tsakiyar kaka (bikin haduwar iyalai a al’adun gargajiya na Sin), inda aka rera wakokin da bangarorin biyu suka shahara da su don tunani da al’adu na bai daya tsakaninsu da murnar bikin haduwar iyalai na al’ummar Sinawa dake da tarihi fiye da shekaru dubu, ta yadda ’yan uwan bangarorin biyu suka kara tuntubar juna da waiwaye kan dangantaka ta kut da kut ta jini mai dogon tarihi a cikin wakoki da labarai. (Amina Xu)
