Da Dumi-dumi: NAHCON Ta Kara Wa’adin Biyan Kujerar Aikin Hajjin 2024

Hukumar alhazai ta kasa, NAHCON  ta kara wa’adin biyan kudin kujerar aikin hajjin shekarar 2024.

A wata sanarwa da ta fitar a ranar Talata, mataimakiyar daraktan hukumar kan harkokin jama’a da yada labarai, Fatima Sanda Usara ta ce, sabon wa’adin shi ne 31 ga watan Janairu, 2024 maimakon 31 ga Disamba, 2023.

• ‘Yan Sa-kai Za Su Taka Rawa Wajen Kawar Da Matsalar Tsaro A Arewacin Nijeriya – Yusha’u Kebbe
• Matatar Dangote Ta Karbi Danyen Mai Karo Na 4 Daga NNPC 

Ta kara da cewa, “an tsawaita wa’adin ne biyo bayan kiraye-kiraye da malaman addini, Hukumomin jin dadin Alhazai na Jiha, Gwamnonin Jihohi da sauran masu ruwa da tsaki suka yi.”

Usara ta bayyana cewa, amincewar da gwamnatin tarayya ta yi na tsawaita wa’adin ya ba da dama ga maniyyata su bada himma wajen biyan kudin zuwa aikin hajjin mai alfarma.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair