DA DUMI-DUMI: ‘Yansanda Sun Rufe Hedikwatar NNPP Dake Maiduguri, Sun Kama Dan Takarar Sanata

Gwamnatin jihar Borno ta rufe hedikwatar jam’iyyar NNPP ta Kwankwaso da ke Maiduguri babban birnin jihar Borno.

Hukumar raya birane ta jihar Borno ta rufe hedikwatar jam’iyyar tare da wasu ofisoshinta ne a ranar Alhamis.

• 2023: NNPP Ba Zata Ruguza Shirinta Ta Hade Da Tinubu Ba —Farfesa Alkali

Dan takarar gwamnan jihar Borno a karkashin jam’iyyar NNPP, Dakta Umaru Alkali, ya tabbatar da hakan a lokacin da yake zantawa da manema labarai a Maiduguri.

Ya ce “an kama dan takarar kujerar Sanata mai wakiltar mazabar Borno ta tsakiyar na jam’iyyar NNPP, Hon Attom Muhammad Maigira, bayan da ya amsa gayyatar ‘yansanda.

“An tura ‘yan sandan zuwa Sakatariyar Jam’iyyar da ke kusa da Abbaganaram da Gidan Maradara tsakanin Laraba zuwa Alhamis ne domin hana ‘yan jam’iyyar shiga ofishinsu.”

Wakilin Jaridar Daily trust da ya ziyarci mahadar Abbagannaram da misalin karfe 11:30 na safe, ya rahoto cewa, an girke ‘yan sandan kwantar da tarzoma da na fararen hula da motocin sintiri a harabar sakatariyar da aka kulle.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu