Firaministan Kasar Sin Zai Halarci Jerin Taruka Tare Da Ziyartar Laos Da Vietnam

Firaministan kasar Sin Li Qiang, zai halarci taro karo na 27 tsakanin Sin da kasashen ASEAN, da taro karo na 27 na kasashen ASEAN da wasu karin kasashe 3 da kuma taro karo na 19 na kasashen gabashin Asia da za su gudana a Vientiane na Laos daga 9 zuwa 12 ga watan nan na Oktoba. Haka kuma zai yi ziyarar aiki a Laos din.

Kakakin ma’aikatar harkokin wajen Sin Mao Ning ce ta sanar da haka a yau Talata, inda ta ce firaministan zai kuma yi ziyarar aiki a Vietnam daga ranar 12 zuwa 14 ga watan Oktoba. (Fa’iza Mustapha)