Fursunoni 9 Sun Kammala Haddar Alƙur’ani A Kano

Fursunoni tara da ke zaman hukunci daban-daban a cibiyar tsare masu laifi ta matsakaiciya da ke Wudil a Jihar Kano sun yi nasarar kammala haddar Alƙur’ani mai girma.

Wannan nasara ta zo daidai da bikin cika shekaru 50 da kafuwar cibiyar.

Jami’in hulɗa da jama’a na Hukumar Gidan Gyara Hali ta Nijeriya a Jihar Kano, Musbahu Lawan Kofar Nasarawa, ya bayyana cewa wasu daga cikin fursunonin ba su da cikakken ilimin karatun Alƙur’ani kafin a kawo su cibiyar, amma ta hanyar jajircewa, ladabtarwa da kuma ingantaccen koyarwa, suka samu damar haddace Alƙur’ani gaba ɗaya.

“Wannan nasara na nuna ci gaba da ƙudirin hukumar wajen gyaran hali, farfaɗo da rayuwar fursunoni da kuma mayar da su cikin al’umma bisa tanadin dokar gidan gyara hali ta shekarar 2019,” in ji Kofar Nasarawa.

Ya ƙara da cewa tsawon shekaru, cibiyar tsare fursunoni ta Wudil ta kasance abar koyi wajen samar da ilimi, horas da sana’o’i da shirye-shiryen gina tarbiyya ga fursunoni.

Sulaiman

+ postsBio

• Sulaiman

  Binciken CGTN Ya Nuna Yadda Cimma Yarjejeniya Tsakanin Amurka Da Iran Ta Fallasa Koma Bayan Tasirin Amurka A Harkokin Duniya
• Sulaiman

  Kotu Ta Umarci DSS Ta Mutunta Umarninta Kan Shari’ar Filin Firo Na Bauchi
• Sulaiman

  Kasar Sin: Sanya Hannu Kan Yarjejeniyar Fahimtar Juna Tsakanin Amurka Da Iran A Matakin Farko Na Da Matukar Muhimmanci
• Sulaiman

  Rashin Tsaro: CUPP Ta Goyi Bayan Kiran Da Aka Yi Wa Tinubu Na Jagoranci Ko Murabus