Gwamnan Adamawa Ya Sauya Wa Wasu Kwamishinoni Ma’aikatu

Gwamnan Jihar Adamawa, Ahmadu Umaru Fintiri, ya amince da yin ƙaramin sauyi a majalisar zartarwarsa, inda ya sauya wa wasu kwamishinoni ma’aikatunsu a wani yunƙuri na ƙarfafa tafiyar gwamnati a jihar.

Hakan na ƙunshe ne cikin wata sanarwa da Babban Sakataren Yaɗa Labarai na gwamnan, Humwashi Wonosikou, ya fitar a ranar Talata.

Gwamnan ya ce an yi sauye-sauyen ne domin ƙara sabon ƙwazo da kuzari ga gwamnati yayin da wa’adinta ke shiga zangon ƙarshe.

A cewar sanarwar, “An tsara sauye-sauyen ne domin samar da sabon ƙarfi ga zangon ƙarshe na gwamnati, kawo sabbin dabaru da kuma bai wa kwamishinoni ƙarin gogewa da fahimtar yadda gwamnati ke aiki a fannoni daban-daban.”

Sulaiman

+ postsBio

• Sulaiman

  Ana Gudanar Da Taron Masana Ilmin Harkokin Kasar Sin Karo Na Uku
• Sulaiman

  Sin: Ya Kamata Tarayyar Turai Ta Dubi Huldar Tattalin Arziki Da Ciniki Tsakaninta Da Sin Bisa Daidaito
• Sulaiman

  An Gudanar Da Taron “Tattaunawar Magadan Garuruwa Na Duniya Na 2026” A Birnin Beijing
• Sulaiman

  2027: Kasancewa Ɗan Arewa Kaɗai Ba Zai Tabbatar Da Samun Ƙuri’u Ba – Baba-Ahmed