Yayin da duniya ke dakon fara gasar Kofin Duniya, wadda kasashe 48 za su buga a karon farko a tarihi, kuma a karo na farko da ƙasashe uku — Canada, Mexico da United States — za su karɓi baƙuncinta, LEADERSHIP HAUSA ta zakulo muku ƙasashen da suka fi yawan halartar gasar a tarihi.
Brazil ce kaɗai ƙasar da ta halarci gasar a kowace shekara tun bayan fara ta a shekarar 1930.
Brazil – Sau 23
Brazil ta halarci gasar Kofin Duniya sau 23, inda ta lashe kofin sau biyar a shekarun 1958, 1962, 1970, 1994 da 2002. Ita ce kaɗai ƙasar da ba ta taɓa rasa gurbin shiga gasar ba tun bayan fara ta a shekarar 1930.
Jamus – Sau 21
Jamus ta halarci gasar sau 21, inda ta lashe ta sau huɗu, ciki har da nasarorin da tsohuwar Yammacin Jamus ta samu kafin haɗewar ƙasar. Ta kasance cikin ƙasashen da suka fi samun nasara a tarihin gasar.
Arjantina – Sau 19
Argentina ta lashe gasar sau uku, ciki har da nasarar da ta samu a shekarar 2022 a Qatar. Ana sa ran kyaftin ɗin tawagar, Lionel Messi, zai buga gasar Kofin Duniya ta ƙarshe a bana.
Mexico – Sau 18
Mexico ta halarci gasar sau 18, sannan ta karɓi baƙuncin gasar a shekarun 1970 da 1986. Ta kai zagayen kwata fainal sau biyu a tarihi, kuma tana cikin ƙasashen da za su karɓi baƙuncin gasar ta bana.
Ingila – Sau 17
Ingila ta lashe gasar Kofin Duniya a shekarar 1966, kuma tana daga cikin ƙasashen Turai da suka fi yawan halartar gasar.
Faransa – Sau 17
Faransa ta lashe gasar sau biyu a shekarun 1998 da 2018. kuma, ita ce ta zo ta biyu a gasar shekarar 2022.
Spain – Sau 17
Spain, zakarun shekarar 2010, sun halarci gasar Kofin Duniya sau 17 a tarihi.
Uruguay – Sau 15
A Uruguay aka buga gasar Kofin Duniya ta farko a shekarar 1930, kuma ita ce ƙasar farko da ta lashe gasar. Ta sake lashe kofin a shekarar 1950, sannan ta halarci gasar sau 15 a tarihi.
Belgium – Sau 15
Belgium ta halarci gasar Kofin Duniya sau 15, kuma ta samu matsayi na uku a gasar shekarar 2018, wanda shi ne mafi girman nasararta a tarihin gasar.
Discussion about this post