Gwamnati Ta Ƙara Wa Masu Muƙaman Siyasa Albashi Da Kashi 114%

Hukumar tattara kudaden haraji da raba kudaden da kuma tsimi da tanadin kasafin kudi (RMAFC) ta amince da karin kashi 114 na albashin zababbun shugabanni ‘yan siyasa da suka hada da shugaban kasa, mataimakin shugaban kasa, gwamnoni, ‘yan majalisa da ma’aikatan shari’a da na gwamnati.

RMAFC itace ke da alhakin tantance albashin da ya dace ga masu rike da mukaman siyasa da suka hada da Shugaban kasa, Mataimakin Shugaban Kasa, Gwamnoni, Mataimakan Gwamnoni, Ministoci, Kwamishinoni, Masu Ba da Shawara na Musamman, ‘Yan Majalisa da masu rike da ofisoshi kamar yadda aka tanada a sashe na 84 da 124 na Kundin Tsarin Mulkin Nijeriya.

• Yanzu-yanzu: Tinubu Ya Mayar Da NEMA Da NAHCON Ƙarƙashin Ofishin Mataimakin Shugaban Ƙasa

Hukumar ta bukaci majalisun dokokin jihohi 36 da su gaggauta yin gyare-gyare kan dokokin da suka dace don ba da damar sake duba tsarin albashin masu rike da mukaman siyasa, shari’a da na gwamnati.

Shugaban RMAFC, Muhammadu Shehu wanda kwamishiniyar tarayya Rakiya Tanko-Ayuba ta wakilta ce ta yi wannan kiran a wajen gabatar da rahoton gyare-gyaren tsarin albashin ga gwamnan jihar Kebbi, Dr. Nasir Idris, a ranar Talata a Birnin Kebbi.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar