Shahararren jarumi a masana’antar shirts fina-finai ta Kannywood a Arewancin Nijeriya, Sadiq Sani Sadiq, da har yanzu yake jan zaransa a masana’antar, ya bayyana ce wa yana fatan wannan sana’ar ta sa ta yi sanadiyyar shigarsa gidan Aljanna.
Sadiq, ya bayyana hakan ne yayin da yake hira a wani shiri da Hadiza Aliyu Gabon mai taken ‘Gabon Show’ take gabatarwa duk mako a shafinta na YouTube.
- Abba Gida-Gida Ya Nada Sunusi Oscar A Matsayin Mataimakinsa Akan Masana’antar Kannywood.
- Ba Mu Soke Lasisin ‘Yan Kannywood Domin Musguna Wa Wasu Ba – Al-Mustapha
Shirin ya mayar da hankali ne kan irin rayuwar masu ruwa da tsaki a harkar fim.
Ya yin da yake amsa wasu daga cikin tambayoyin da Hadiza Gabon din ta yi masa, Sadiq ya taɓo batun yadda ya fara yin fim ba tare da ubangida ba, da kuma yadda ya tsinci kansa a masana’antar.
Game da kalubalen da masana’antar take fuskanta kuwa, Sadiq ya alaƙanta haka kan yadda waɗansu da ke cikin masana’antar ke kin haɗa kansu wuri guda da jajircewa kan wani abu da ya taso musu.
Daga karshe Sadiq ya ja hakalin magoya bayansa, kan su guji duk wasu labarai da basu tabbatar da ingancinsu ba, saboda gujewa yaɗa labaran karya.
