Fitaccen jarumin fina-finan Nollywood kuma mai shirya fina-finai, Olu Jacobs, ya rasu yana da shekaru 84.
Ɗansa, Olusoji Jacobs ne, ya sanar da rasuwarsa a shafinsa na Instagram a ranar Laraba, 16 ga watan Satumba, 2026.
Ya ce iyalan marigayin sun gode wa Ubangiji bisa rayuwar da mahaifinsu ya yi, tare da roƙon jama’a su girmama marigayin.
Iyalan sun bayyana Olu Jacobs a matsayin miji, uba mai ƙaunar jama’a.
Olu Jacobs na daga cikin fitattun jarumai a masana’antar shirya fina-finai ta Nijeriya, inda ya shafe shekaru masu yawa yana aiki a gidajen wasan kwaikwayo, talabijin da fina-finai.
Ya kuma kasance mai shirya fina-finai, wanda ya taka muhimmiyar rawa wajen bunƙasa masana’antar fina-finai a Nijeriya.
An san shi da ƙwarewa wajen taka rawa a fina-finan Nijeriya da na ƙasashen waje, kuma ya kafa tarihi a masana’antar fina-finai.
