Kwanan baya, batun “Zuwa kasar Sin dauke da jaka babu komai a ciki domin sayayya” na jawo hankalin mutane sosai a shafukan yanar gizo na sada zumunta, inda masu wallafa bayanai game da tafiye-tafiyensu da yawa sun yi bayanai game da ziyararsu a kasar Sin don yin sayayya.
Sakamakon matakan da kasar Sin ta dauka na samar da sauki ga bakin da ke neman shigowa kasar, karin baki na zuwa kasar don yawon shakatawa. Har ila yau, ingantattun kayayyaki marasa tsada, da hanyoyi masu sauki na biyan kudin kayayyaki, har da tsarin mayar da kudin haraji nan take bayan sayayya, sun sa baki na ta zuwa kasar don sayen kayayyaki.
Matsalolin kariyar ciniki da koma baya a bangaren dunkulewar tattalin arzikin duniya da ake ta kara fuskanta a duniya, suna ta haifar da rashin tabbas ga tattalin arzikin duniya. Amma yadda kasar Sin ke kara karfin bude kofarta ga ketare yana samar da tabbas ga duniya.
Yadda baki suke ta zuwa kasar Sin don sayayya ya shaida matsayin da Sin take dauka, na samun ingantaccen ci gaba da kara bude kofarta ga ketare, da ma samun ci gaba tare da sauran kasashe. (Mai zane da rubutu: MINA)
