Masanin ilimin tattalin arziki James J. Heckman, ya ce matakan harajin kwastam da gwamnatin kasar Amurka ta dauka kan sauran kasashen duniya sun saba wa ilmin tattalin arziki, domin ba su dace da kowane bangare na ilmin tattalin arziki ba.
James J. Heckman wanda ya samu lambar yabo ta Nobel ta ilmin tattalin arziki ya bayyana haka ne yayin da yake hira da wakiliyar babban gidan rediyo da telebijin na kasar Sin wato CMG.
A cewarsa, an fi kashe kudi a zaman yau da kullum na halin yanzu a kasar Amurka, kuma ana fatan sa kaimi ga kamfanonin kasar su samar da kayayyakin yau da kullum da kansu ta hanyar daukar matakan harajin kwastam, ta yadda za a kara samar da ayyukan yi ga jama’a.
Amma ba a iya cimma burin ba, domin ba a iya shuka avocado da coffee a cikin kasar Amurka ba, lamarin da ya kawo babbar illa ga matalauta ko ma’aikata masu sayen su.
Ya ce coffee shi ne abun da ya fi samun karbuwa a kasar, amma ba a iya shuka shi a cikin kasar Amurka ba. Don haka, farashinsa a kasar ya karu da kashi 15 ko 20 har ma da 25 bisa dari. (Zainab Zhang)
