Kafofin yada labarai na kasar Rasha sun ruwaito shugaban kasar Vladimir Putin na cewa, ganawar da zai yi da shugaban kasar Sin Xi Jinping a wata mai zuwa, za ta haifar da kyawawan sakamako.
Da yake tsokaci game da batun a yau Asabar, kakakin ma’aikatar harkokin wajen Sin, Guo Jiakun ya ce jagoranci karkashin dangantakar shugabannin kasashe, na da matukar muhimmanci wajen kare dangantakar Sin da Rasha da kuma ci gaba da dorewarta.
Ya ce Sin na maraba da shugaba Putin ya halarci taron shugabannin kasashen kungiyar APEC da zai gudana cikin watan Nuwamban a birnin Shenzhen, kuma a shirye take ta hada hannu da Rasha wajen inganta kyakkyawan sakamakon da kungiyar APEC za ta samu a shekarar da Sin ke shugabantarta. (Fa’iza Mustapha)
ADVERTISEMENT
