Mai magana da yawun ma’aikatar harkokin wajen kasar Sin Mao Ning, ta ce abu ne a fili cewa kayayyaki da ake bukata, masu inganci da rahusa, na samun saurin karbuwa tsakanin jama’a, kuma yanayin yadda cinikayya take gudana tsakanin Sin da Turai, sakamako ne na bukatun kasuwa, da fifikon da kowane bangare ke da shi.
Mao Ning, ta bayyana hakan ne yayin taron manema labarai na yau da kullum da aka saba gudanarwa, lokacin da take amsa tambayar manema labarai game da wasu rahotanni, dake cewa kayayyakin da ake kerawa a kasar Sin, irinsu na’urorin sanyaya iska, da fankoki, da wasu lemomin kare rana masu ayyuka daban daban, na kandagarkin bugun-zafi, da sanyaya wurare, sun samu matukar karbuwa tsakanin al’ummun kasashen Turai.
Jami’ar ta ce, shaidu na hakika sun nuna yadda yanayin cinikayya tsakanin Sin da Turai, masu sayayya na samun gajiya, kana masu sarin kayayyakin su ma na samun riba, kuma ba abu ne mai yiwuwa a tursasa hada-hadar saye da sayarwa ba, maimakon haka, hada-hadar cinikayya na amfanar bangarori biyu dake cikinta. (Saminu Alhassan)
