Wata kotu a a Birnin New York ta hana bayar da belin fitaccen mawakin Hip-hop din nan Sean “Diddy” Combs bayan da musanta laifin safarar mata don tilasta musu aikata karuwanci.
Wani alkali a Birnin New York na Amurka ne ya tsare mawakin bayan masu gabatar da kara sun ayyana shi a matsayin mai hadari.
- 2027: Majar Atiku Da Obi Da Kwankwaso Ta Fada Shakku
- Maulidi: Fityanul Islam Ta Jajanta Wa Al’ummar Borno Kan Ibtila’in Ambaliyar Ruwa
An kama Mista Combs, mai shekaru 54 a yammacin ranar Litinin, bayan zarginsa da gudanar da wata harkalla ta kwayoyi da lalata da mata daga akalla 2008″, a cewar masu gabatar da kara.
Takardar tuhuma mai shafi 14 da alkalin ya karanta, ta tuhumi mawakin da laifin lalata da tilasta wa mata yin jima’i da kuma aikata karuwanci.
Idan aka same shi da laifi, mawakin zai fuskanci hukuncin daurin shekara 15 a gidan yari.
Ya bayyana a gaban kotun sanye da bakar riga da wando mai launin toka a lokacin da ake sauraron shari’ar a Manhattan.
