Kotu Ta Wanke Abba Kyari A Shari’ar Bayyana Kadarori, Ta Soki NDLEA

Babbar Kotun Tarayya da ke Abuja ta sallami tare da wanke dakataccen Mataimakin Kwamishinan ‘Yansanda (DCP), Abba Kyari, daga tuhume-tuhume 23 da ake masa kan zargin rashin bayyana kadarori da NDLEA ta shigar.

A hukuncin da Mai Shari’a James Omotosho ya yanke ranar Alhamis, ya ce masu gabatar da ƙara sun gaza gabatar da hujjoji masu ƙarfi da za su tabbatar da zarge-zargen da ake yi wa Kyari da sauran waɗanda ake tuhuma tare da shi.

• Ronaldo Ya Fice Daga Saudi Arabia Yayinda Hare-Haren Kasar Iran Suka Zafafa
• NDLEA Ta Cafke Mai Safarar Kwayoyi Da Ta Yi Cikin Bogi

An gurfanar da Abba Kyari tare da ‘yan uwansa biyu, bisa zargin bayar da bayanan ƙarya domin ɓoye asalin wasu kadarori da ake dangantawa da jami’in ɗansandan.

Mai shari’ar ya bayyana cewa NDLEA ba ta gabatar da isassun hujjoji da za su nuna cewa kadarorin da aka ambata a cikin tuhume-tuhumen mallakin Kyari ne ba.

Hukuncin kotun ya kawo ƙarshen shari’ar da ta ja hankalin jama’a, inda ya wanke Abba Kyari daga dukkan zarge-zargen da ake masa.

Abubakar Sulaiman

Website |  + postsBio

• Abubakar Sulaiman

  Ƴan Bindiga Sun Kashe Mutane 2, Sun Yi Garkuwa Da 30 A Kogi
• Abubakar Sulaiman

  Gwamnatina Za Ta Mayar Da Hankali Kan Buƙatun Al’ummar Nasarawa – Wadada
• Abubakar Sulaiman

  Ƴan Bindiga Sun Kai Hari Masallaci, Sun Kashe Wani Yaro A Kaduna
• Abubakar Sulaiman

  Babachir Lawal Ya Fice Daga ADC, Ya Zargi Atiku Da Murɗe Zaben Fidda Gwani