Kotun Ta Tabbatar Da Zaben Gwamna Nasiru A Kebbi

Kotu ta tabbatar da zaben gwamna Nasir Idris a matsayin zababben gwamnan jihar Kebbi.

Kotun sauraren kararrakin zabe ta jihar, karkashin jagorancin mai shari’a Ofem I. Ofem ta yanke hukuncin ne a ranar Alhamis.

• Shan Rubutu Yayin Nakuda Ne Ke Haifar Da Mutuwar Masu Ciki — Likita
• NRC Ta Dakatar Ma’aikacinta Kan Karbar Kudin Fasinja Ba Bisa Ka’ida Ba

Hukumar zabe mai zaman kanta ta kasa (INEC) ta bayyana Idris na jam’iyyar APC a matsayin wanda ya lashe zaben gwamnan jihar da aka gudanar a ranar 18 ga watan Maris.

Amma, Janar Aminu Bande (mai ritaya) na jam’iyyar PDP ya shigar da kara inda ya kalubalanci zaben gwamna Idris a zaben da aka yi ranar 18 ga watan Maris.