A lokacin hutun bikin ranar ma’aikata na bana, yawan mutanen da suka yi shige da fice a kan iyaka a kasar Sin ya karu sosai. Yayin da adadin ‘yan kasashen waje da ke shigowa kasar ba tare da biza ba ke ci gaba da karuwa, jimillar masu shige da fice a lokacin hutun ya kusan kai miliyan 11.3.
Hukumar shige da fice ta kasar ta bayyana cewa, matsakaicin masu shigowa da wadanda suka fita a kowace rana ya kai miliyan 2.26 a hutun ranar ma’aikata na tsawon kwanaki biyar, wanda ya karu da kashi 3.5% idan aka kwatanta da shekarar da ta gabata.A lokacin bikin, ‘yan kasashen waje miliyan 1.26 ne suka shigo ko fita daga kasar, wanda ya karu da kashi 12.5% idan aka kwatanta da shekarar da ta gabata.
Daga cikinsu, masu shigowa ba tare da biza ba sun kai dubu 436, wanda adadinsu ya karu da kashi 14.7%.
Manufar shigowa kasa ba tare da biza ba na ci gaba da yin tasiri, inda take kawo saukin tafiye-tafiyen mutanen Sin da na kasashen waje, kana ana ci gaba da fadada bude kofar kasuwar yawon bude ido da al’adu sosai. (Amina Xu)
