Rikicin Masarautar Kano: Kotun Ƙoli Da Gwamna, Su Ke Da Hukuncin Ƙarshe — Ganduje

Tsohon gwamnan Jihar Kano, Abdullahi Umar Ganduje, ya bayyana cewa Kotun Ƙolin Nijeriya ce kaɗai ke da ikon yanke hukunci kan rikicin masarautar Kano, musamman batun sarautar Muhammadu Sanusi II.

Ganduje ya ce duk hukuncin da kotun za ta yanke, Abba Kabir Yusuf zai aiwatar da shi bisa doka da tsarin mulki.

Ya bayyana hakan ne yayin da yake martani ga rahotannin da ke cewa ya goyi bayan Sanusi a matsayin Sarkin Kano kuma Shugaban Majalisar Sarakunan jihar.

A cewarsa, an fassara maganarsa ba daidai ba, inda ya ce ambaton Sanusi da mukaminsa a lokacin rantsar da mataimakin gwamna bai wuce ladabi da bin ƙa’ida ba.

“Yana da muhimmanci a fayyace cewa abin da ya faru kawai nuna girmamawa ne a bainar jama’a. Bai kamata a ɗauke shi a matsayin goyon baya ba,” in ji Ganduje.

Wannan bayani na zuwa ne yayin da rikicin masarautar Kano ke ci gaba da ɗaukar hankali, inda ake jiran hukuncin ƙarshe daga Kotun Ƙoli.

Sulaiman

+ postsBio

• Sulaiman

  Daliban Kasar Sin Na Rubuta Jarabawar Gaokao Ta Shekarar Bana
• Sulaiman

  Yadda Sin Da Laos Suka Daukaka Dangantakarsu Zai Amfanawa Duniya Baki Daya
• Sulaiman

  Dandalin CMG Karo Na 5 Zai Bude Sabon Babin Tattaunawa Tsakanin Sassan Kasa Da Kasa
• Sulaiman

  Ngoshe: Boko Haram Ta Saki Mata da Yara 416 da Aka Sace A Borno