Mane Ya Zama Dan Wasa Na 10 A Buga Wa Bayern Munchen Wasa

Sabon dan wasan Bayern Munchen, Sadio Mane shi ne na 10 daga Afirka da zai buga wa Bayern Munich wasa, bayan da ta fara daukar dan wasa Noussair Mazraoui daga Ajad da zai koma kungiyar a bana.

Mazraoui, mai tsaron bayan tawagar Morocco zai koma Munich ranar 1 ga watan Yuli, saboda haka shi ne na tara daga Afirka a kungiyar da ta lashe Bundesliga a kakar da ta wuce kuma Mane dan wasan tawagar Senegal, wanda ya koma Munich daga Liberpool a bana, shi ne na biyu da zai buga wasa a Bayern Munchen daga Senegal, bayan Bouna Sarr.

• 2023: Bayan Buhari, Dole Dan Kudu Ya Zama Shugaban Kasa – Fayose

Sauran ‘yan wasa bakwai daga Afirka da suka buga wa Bayern Munich wasa sun hada da Samuel Kuffour da Kwasi Wriedt dukkansu daga Ghana sai Eric Madim Choupo-Moting da Franck Ebina da Louis Ngwat-Mahop dukkansu daga Kamaru da Medhi Benatia daga Morocco da kuma Pablo Thiam daga Guinea.

Mane wanda ya ci kwallo fiye da 100 a Liberpool da daukar kofin zakaru na Champions League da gasar Premier League da FA Cup da League, ya kuma lashe kofin Afirka a Fabrairu a Kamaru.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi