Masu Gidajen Burodi Na Shirin Tsunduma Yajin Aiki

Kungiyar masu sana’ar burodi ta kasa (PBAN), sun kammala Shirye-shiryen tsunduma yajin aikin gargadi na kwanaki hudu daga ranar Alhamis 21 ga watan Yuli, 2022.

Kungiyar ta dauki matakin ne domin nuna takaicinta kan yadda farashin kayayyakin burodi a kasar ke tashin gwaron zabo, inda tace gidajen burodin ba za su iya cigaba da sana’ar ba.

• Karya Fure Take Ba Ta ’Ya’ya

Gas da man fetur da sauran kayayyakin sarrafa fulawar ya hauhawar da farashin Burodi zuwa Kashi 17.71 cikin 100 a watan Mayu.

Shugaban kungiyar, Emmanuel Onuorah da jami’in hulda da jama’a na masana’antar, Babalola Thomas, sun kuma bukaci gwamnatin tarayya da ta daina karbar harajin 15 cikin 100 na alkamar da ake shigowa da ita Kasar nan.

Bugu da kari, sun bukaci hukumar ta NAFDAC da ta sake rage kudin hukuncin wanda aka kama bai sabunta shaidar kamfaninsa ba daga N154,000.

PBAN ta kuma yi kira ga gwamnati da ta bai wa ‘yan kungiyar damar samun tallafi da lamuni mai sauki da Babban Bankin Nijeriya (CBN) ke ba wa masana’antu Kanana da matsakaita (MSMEs).

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu