A lokacin hutu na bikin ranar kwadago na bana, yawan kudaden shiga na masana’antun da suka shafi abubuwa da kayayyakin amfani a duk fadin kasar ya karu da kashi 14.3% bisa makamancin lokaci na bara. A ciki kuma, kashe kudi kan ayyukan ba da hidimomi ya kara samun tagomashi, inda kudaden shiga da aka samu daga yawon bude ido da ayyukan ba da hidimomi suka karu da kashi 21.2% idan aka kwatanta da makamancin lokacin a bara, kuma kudaden shiga da aka samu daga hidimomin harkokin gida sun karu da kashi 14.2% bisa makamancin lokaci a bara.
Me ya sa kashe kudi kan ayyukan ba da hidimomi ya zama wani sabon abu yayin lokacin hutun? Da farko, jerin ra’ayoyi da manufofi sun bayyana hanyar inganta masanan’antun ba da hidimomi a fannonin samar da kayayyaki da kyautata rayuwar al’umma. A lokaci guda kuma, ci gaban tattalin arzikin Sin ya samu mafari mai kyau a rubu’in farkon wannan shekara, haka kuma jama’ar kasa sun samu karin kudin shiga da kuma karfin gwiwar kashe kudade, wanda ke tallafawa ci gaban tattalin arziki a lokacin hutu. (Safiyah Ma)
