A yau Lahadi aka kammala gasar tseren rabin dogon zango na Half Marathon ta mutum mutumi ta kasar Sin ta Beijing E-Town 2026, inda wani mutum mutumin inji da ya fi kowane ya kammala tseren a kimanin minti 48, bisa wasu yanayi da aka sa wa ido.
Dukkan mutum mutumin da masu sarrafa kansu da wadanda aka sarrafa, sun kammala tseren ne a wuri guda.
Sakamakon da aka yi lissafi bisa kwarewar su ta kaucewa cikas da yin abun da ya kamata ya nuna masu sarrafa kansu na da maki 1.0 yayin da wadanda aka sarrafa ke da maki 1.2.
Mutum mutumi na Lightining na kamfanin Honor da aka sarrafa, wanda kuma shi ne na farko farawa, shi ne ya fara tsallake layin karshe a minti 48 da dakika 19.Wani mutum mutumi na Honor mai iya sarrafa kansa ne ya lashe gasar da mintuna 50 da dakikoki 20.
Bisa ka’idojin kwarewarsu ta aiwatar da ayyuka, wani mutum mutumi na Honor daga tawagar masu sarrafa kansu ne ya lashe gasar, inda ya dauki minti 50 da dakika 26 daga farawa zuwa karshe.
Wannan sakamako ya kawo mutum mutumin inji kusa da juriyar dan adam, inda yanzu haka, lokacin da dan adam ya dauka na kammala tseren a duniya shi ne minti 57 da dakika 20.
A matsayinsa na gasar tseren mutum mutumi irinsa na farko, kashi na biyu na gasar ya ja hankalin mahalarta daga tawagogi sama da 100, inda tawagogin masu sarrafa kansu suka dauki kaso 40 na mahalartan. (Mai fassara: Fa’iza Mustapha)
