Yayin da ake gab da kaddamar da baje kolin kasa da kasa na kayayyakin da ake shigarwa kasar Sin karo na 9, kafar yada labarai ta CGTN da hadin gwiwar jami’ar Renmin ta kasar Sin, ta hannun cibiyar nazarin sadarwa ta kasa da kasa a sabon zamani, sun kaddamar da nazari kan yanayin bude kofa a duniya, wanda ya shafi masu bayar da amsa 20,100 daga fadin kasashe 44.
Da aka yi tambaya game da babbar kasar da ke bayar da dama mafi daraja ta bude kofa da bunkasar tattalin arziki, kaso 42.7 na masu bayar da amsa sun zabi kasar Sin, wanda shi ne adadi mafi yawa cikin kasashen da aka zayyana cikin nazarin.
Matasa ne suka fi zabar kasar Sin.Baya ga haka, kusan kaso 90 na masu bayar da amsar, sun aminta da karfin tattalin arzikin Sin da ci gaban da take samu cikin sauri.
Kaso 84.6 kuma, sun amince cewa Sin na bayar da gagarumar gudunmuwa ga tattalin arzikin duniya, yayin da kusan kaso 80 suka bayyana kwarin gwiwarsu kan juriyar tattalin arzikin Sin yayin fuskantar barazana da kalubale. (Fa’iza Mustapha)
