Nijeriya ta tabka asarar da ta kai ta Naira biliyan 2.61 a fannin samar da wutar a zangon farko na 2026, saboda da gazawar Hukumar Dakon Wutar Lantarki ta Kasa wato TCN na cimma kokarin da Hukumar da ke sa ido kan harkar samar da wutar lantarki ta kasa wato NERC.
NERC a cikin rahoton na ta na zangon farko na 2026 ta ce, asarar ta kai ta kaso 7.96, wacce kuma ta dara zuwa kaso, 7.00 duk a 2026, inda asarar ta kuma shafi kamfanonin da ke tura wutar a kasar wato GenCos.
A cewar hukumar a zangon na farko na 2026, alkaluman sun kai sama da kaso 7.27, inda kuma a zango na hudu na 2025, suka kai kaso 0.69.
Hukumar ta NERC kiyasta cewa, an kuma asararr Naira miliyan 257.91 na sauran rarar kudaden tura wutar, tare da kuma asarar Naira biliyan 2.35, da suka kamata kafanonin GenCos su biya, na kudaden da suka tara, wanda kuma hakan ya nuna cewa, kamfanonin, ba su turawa masu amfanin da wutar ba.
Bugu da kari, rahoton ya kuma bayyana cewa, a gefe daya, babban layin samar da wutar lantaki na kasa, ya gaza daidaituwa, musamman duba da yadda ake yawan dauke wutar, a sassan kasar, duk a 2026, inda kuma samar da wutar ya kuma ragu zuwa 49.11.
Hukumar ta kuma nuna damuwa, kan ci gaba fuskantar matsaloli a injinan samar da wutar na kasar.
Ko da yake ta bayyana cewa, babban layin samar da wutar na kasa, na samar da karfin wutar da ya kai daga 313.50 zuwa 346.50.
Sai ta sanar da cewa, raguwar ta ragu a farkon zangon na 2026 zuwa karfin 304.21, wanda kuma ya karu, zuwa 349.88.
A cewar hukumar, wannan matsalar da ake ci gaba da samu na samar da wutar a kasar, hakan zai iya lalata manyan injinan masana’atun da ke kasar, wanda hakan zai iya durkusar da hada-hadar kasuwancin su.
Haka zalika, rahoton ya bayyana cewa, fannin samar da wutar na kasar, na ci gaba da fuskantar manyan matsaloli, duk da kokarin da ake ci gaba da yi, na kirkiro da sabbin sauye-sauyen inganta samar da wadatacciyar wutar a kasar.
