An gudanar da tafiye-tafiyen fasinjojin jiragen kasa mafi yawa a fadin kasar Sin a rabin farko na shekarar 2026, inda aka samu fiye da biliyan 2.3, adadin da ya karu da kashi 5 cikin 100 idan aka kwatanta da na shekarar da ta gabata.
Bayanan da kamfanin kula da sufurin jiragen kasa na kasar Sin ya fitar a yau Litinin, sun ce an gudanar da matsakaiciyar zirga-zirgar jiragen kasa 11,468 a ko wace rana a cikin watannin shida, wadda ta nuna karuwar kashi 5.8 cikin 100 a mizanin shekara-shekara.
Haka kuma, kamfanin yana hada hannu da sassan yankuna masu kula da harkokin yawon bude ido da al’adu, wajen inganta yawon bude ido, inda jirage 1,797 suka yi jigilar masu yawon bude ido a fadin kasar cikin watanni 6n.
Haka kuma, an fadada tarago masu bayar da damar daukar dabbobin gida da kuma wadanda ba a surutu a cikinsu. (Mai fassara: Fa’iza Mustapha)
