An gudanar da tafiye-tafiyen fasinjoji mafi yawa a fadin kasar Sin a rabin farko na shekarar 2026, inda aka samu fiye da biliyan 2.3, wadanda suka karu da kashi 5 cikin 100 idan aka kwatanta da na shekarar da ta gabata, a cewar bayanan da kamfanin sufurin jiargen kasa na kasar Sin ya fitar a yau Litinin.
An gudanar da matsakaiciyar zirga-zirgar jiragen kasa 11,468 a ko wace rana a cikin watanni shida, wadda ta nuna karuwar kashi 5.8 cikin 100 a mizanin shekara-shekara, kamar yadda alkaluman kamfanin sufurin jiragen sama na Sin (China Railway) suka nuna.
A yayin da yake rungumar karuwar kwararar fasinjoji sakamakon manufar shiga kasa ba tare da biza ba ga masu yada zango, tsarin layukan dogo na kasar Sin ya saukaka tafiye-tafiyen fasinjojin kasashen waje da ke karuwa, inda ya gudanar da tafiye-tafiyen fasinjoji miliyan 12.31 na kasashen waje a rabin farko na shekarar, wadanda suka karu da kashi 33.6 cikin 100 a mizanin shekara-shekara. (Abdulrazaq Yahuza Jere)
