Kwanan nan, majalisar gudanarwa ta Sin ta wallafa “Shirin raya kasa na shekaru biyar-biyar karo na 15 kan kiyaye lafiyar al’ummar kasar”, inda aka bayyana shirye-shiryen hanzarta gina “kasar Sin mai lafiya” a lokacin aiwatar da “Shirin raya kasa na shekaru biyar-biyar karo na 15”.
Shirin ya jaddada cewa, ya kamata a karfafa ra’ayin jama’a kan mai da hankali kan lafiya mai inganci, da hanzarta samar da tsarin rayuwar al’umma da kuma tsarin ci gaban tattalin arziki da zamantakewa masu amfanar da lafiyar jama’a.
Shirin ya gabatar da shawarar cewa, nan da shekarar 2030, za a kafa tsarin dabarun inganta lafiya sannu a hankali, kuma za a kara kyautata tsarin kiwon lafiya dake da salon musamman na kasar, da samar da tsarin ci gaba na hadakar ilimi da kimiyya da fasaha dake mayar da hankali kan rayuwa da lafiyar jama’a, ta yadda za a kara karfafa matsayin Sin a fannin jagorantar ci gaban magungunan gargajiya a duk duniya, kuma tsawon rayuwar jama’a zai kai shekaru 80, kana manyan ma’aunan lafiya za su shiga cikin na kasashe masu karfin tattalin arziki.(Safiyah Ma)
